Հեռախոսային
տարբերակ
Ամբողջ
տարբերակը
Հինգշաբթի, 29 Հուլիս arm rus eng
arm
(Translit)
USD =485.31 AMD
EUR =576.60 AMD
Աշխարհի գավաթ. Մարտիրոսյանը հաղթեց, Սարգսյանը ոչ ոքի խաղաց, Գաբուզյանն ու Սարգսյանը պարտվեցին
15.07.21 22:58
Աշխարհի գավաթ. Մարտիրոսյանը հաղթեց, Սարգսյանը ոչ ոքի խաղաց, Գաբուզյանն ու Սարգսյանը պարտվեցին

Սոչիում ընթացող շախմատի աշխարհի գավաթի խաղարկության 1/64 եզրափակիչում Հայաստանի ներկայացուցիչ Հայկ Մ. Մարտիրոսյանը մրցում է թուրք Յիլմազ Մուստաֆայի հետ եւ առաջին դասական պարտիայում սեւ ֆիգուրներով հասավ հաղթանակի 49–րդ քայլում։

Շանթ Սարգսյանը ադրբեջանցի Նիջաթ Աբասովի հետ առաջին դասական պարտիան սեւերով ավարտեց ոչ ոքի։

Հովհաննես Գաբուզյանը մրցում է Եգիպտոսի ներկայացուցիչ Բասեմ Ամինի հետ եւ սեւերով պարտություն կրեց 39–րդ քայլում։

Պարտությունով մեկնարկեց Գաբրիել Սարգսյանը, որն առաջին շրջանում ազատ էր, իսկ 1/64 եզրափակիչում մրցում է հնդիկ Պրագնանադհա Ռ–ի հետ։ Առաջին դասական պարտիայում հայ գրոսմայստերը սեւ ֆիգուրներով պարտություն կրեց 41–րդ քայլում։

1/64 եզրափակիչում Լեւոն Արոնյանը չկարողացավ ներկայանալ ավստրալացի Բոբի Չենգի հետ դիմակայության առաջին դասական պարտիային, քանի որ այս շաբաթ ունեցել է բարձր ջերմություն։ Չենգին շնորհվել է հաղթանակ։

ՖԻԴԵ–ի թվիթերյան էջը հաղորդում է, որ լրացուցիչ թեստերից հետո կորոշվի հուլիսի 16–ին երկրորդ դասական պարտիային Լեւոն Արոնյանի մասնակցության հարցը։

Slaq.am - Լրատվական աղբյուր

Վերադառնալ
SLAQ.am || 2009-2021. All rights reserved.
Developed by Studio One