Հեռախոսային
տարբերակ
Ամբողջ
տարբերակը
Կիրակի, 17 Հունվար arm rus eng
arm
(Translit)
USD =485.31 AMD
EUR =576.60 AMD
Վերջին մեկ օրում ռուսական ավիացիան 20 թռիչք է կատարել՝ խաղաղապահներին Ղարաբաղ տեղափոխելու համար
19.11.20 13:16
Վերջին մեկ օրում ռուսական ավիացիան 20 թռիչք է կատարել՝ խաղաղապահներին Ղարաբաղ տեղափոխելու համար

Ռուսական ռազմատրանսպորտային ավիացիայի ինքնաթիռները վերջին մեկ օրում 20 թռիչք են կատարել՝ Լեռնային Ղարաբաղ տեղափոխելով 15-րդ խաղաղապահ բրիգադի ստորաբաժանումներին: Հայաստան է բերվել ավելի քան 30 միավոր տարբեր տեխնիկա: Այս մասին հայտնում է Ռուսաստանի պաշտպանության նախարարությունը:

«Անցած մեկ օրում ռազմատրանսպորտային ավիացիայի ինքնաթիռները 20 թռիչք են կատարել: Հայաստան է բերվել ավելի քան 30 միավոր ավտոմեքենա եւ հատուկ տեխնիկա՝ զրահամեքենաներ, բարձր անցանելիության բեռնատար մեքենաներ, ինչպես նաեւ նյութատեխնիկական ապահովման եւ այլ տեխնիկա»,-ասվում է հաղորդագրության մեջ:

ՊՆ-ի տվյալներով՝ Իլ-76 եւ Ան-124 «Ռուսլան»  ինքնաթիռներն Ուլյանովսկ-Վոստոչնի օդանավակայանից չվերթ են իրականացրել դեպի Երեւան քաղաքի օդանավակայան:

Ըստ Ռուսաստանի Դաշնության պաշտպանության նախարարության` զորամիավորման հիմնական մասը Կենտրոնական ռազմական օկրուգի 15-րդ առանձին մոտոհրաձգային բրիգադի (խաղաղապահ) ստորաբաժանումներն են: Ռուսաստանի դիտակետերը տեղակայվել են Լեռնային Ղարաբաղի շփման գծի երկայնքով եւ Հայաստանը եւ Լեռնային Ղարաբաղը կապող Լաչինի միջանցքի երկայնքով: Խաղաղապահ օպերացիայի հրամանատարությունը տեղակայվել է Ստեփանակերտում: Իրավիճակը շուրջօրյա վերահսկվում է:    

Slaq.am - Լրատվական աղբյուր

Վերադառնալ
SLAQ.am || 2009-2021. All rights reserved.
Developed by Studio One