Հեռախոսային
տարբերակ
Ամբողջ
տարբերակը
Երկուշաբթի, 26 Հոկտեմբեր arm rus eng
arm
(Translit)
USD =485.31 AMD
EUR =576.60 AMD
ԱՄՀ փորձագետները նախազգուշացրել են համաշխարհային տնտեսությանը հասցված անդառնալի վնասի մասին
16.10.20 01:08
ԱՄՀ փորձագետները նախազգուշացրել են համաշխարհային տնտեսությանը հասցված անդառնալի վնասի մասին

Համավարակի շրջանում ռեցեսիայից հետո համաշխարհային տնտեսության վերականգնումը նախնական բնույթ է կրում եւ անհավասարաչափ է, ինչպես նաեւ «բնութագրվում է զգալի անորոշությամբ»: Այս մասին հայտարարել է Արժույթի միջազգային հիմնադրամի քաղաքականության որոշման խումբը՝ 189 երկրներից:

Համատեղ հայտարարության մեջ փորձագետները նախազգուշացրել են 1930-ականների Մեծ դեպրեսիայից հետո համաշխարհային վատթարագույն անկման հասցրած անդառնալի վնասների մասին, եթե երկրներին լրացուցիչ տնտեսական աջակցություն չտրամադրվի:

«Ճգնաժամը սպառնում է երկարաժամկետ սպիեր թողնել համաշխարհային տնտեսության վրա, ինչպիսիք են արտադրողականության թույլ աճը, պարտքի ավելի ծանր բեռը, ֆինանսական խոցելիության բարձրացումը եւ աղքատության ու անհավասարության աճը»,- ասել է ԱՄՀ թիմը:

«Այս ճգնաժամը նման չէ այլ ճգնաժամերին»,- ամփոփիչ ասուլիսում ասել է ԱՄՀ գործադիր տնօրեն Քրիստալինա Գեորգիեւան:

 
 
Slaq.am - Լրատվական աղբյուր

Վերադառնալ
SLAQ.am || 2009-2020. All rights reserved.
Developed by Studio One