Հեռախոսային
տարբերակ
Ամբողջ
տարբերակը
Երկուշաբթի, 30 Նոյեմբեր arm rus eng
arm
(Translit)
USD =485.31 AMD
EUR =576.60 AMD
«Արարատ-Արմենիան»` նախորդ տարվա պատմական հաջողությունը կրկնելու շեմին
24.09.20 15:40
«Արարատ-Արմենիան»` նախորդ տարվա պատմական հաջողությունը կրկնելու շեմին

Եվրագավաթներում Հայաստանի վերջին ներկայացուցիչ «Արարատ-Արմենիան» սեպտեմբերի 24-ին կփորձի կրկնել նախորդ տարվա պատմական հաջողությունը և դուրս գալ Եվրոպայի լիգայի որակավորման փլեյ-օֆֆ փուլ: Որակավորման երրորդ փուլում Հայաստանի գործող չեմպիոնը տնային հանդիպում կանցկացնի Սլովենիայի չեմպիոն «Ցելյեի» հետ:

Գերդրամատիկ հաղթանակից հետո բարձր տրամադրությամբ

Նախորդ փուլում «Արարատ-Արմենիան» անհավանական «քամբեքի» հեղինակ դարձավ Լյուքսեմբուրգը ներկայացնող «Ֆոլայի» դեմ խաղում, որտեղ լրացուցիչ ժամանակում հաղթեց 4:3 հաշվով: Ամբողջ երկրորդ խաղակեսը 10 ֆուտբոլիստներով անցկացրած երևանյան ակումբը մինչև 90-րդ րոպեն պարտվում էր 1:3 հաշվով, սակայն ավելացված ժամանակում կարողացավ փրկել խաղը, իսկ լրացուցիչ ժամանակում խաղային մեծ առավելությունը վերածեց ևս մեկ գոլի: Բացի այդ, դա «Արարատ-Արմենիայի» առաջին հաղթանակն էր թիմի նորանշանակ գլխավոր մարզիչ Դավիդ Կամպանյայի գլխավորությամբ: Իսպանացի մասնագետի գլխավորությամբ նախորդ 5 խաղերում թիմը կրել էր 3 պարտություն ու գրանցել 2 ոչ ոքի: Այդ հաղթանակը հոգեբանական առումով նոր լիցք կարող է հաղորդել հայկական ակումբին, որն ունի հաջորդ փուլ դուրս գալու լավ շանսեր:

Խաղային խնդիրները՝ անհանգստանալու առիթ

«Ֆոլայի» դեմ խաղում «Արարատ-Արմենիան» խաղային խնդիրներ ուներ գրեթե բոլոր օղակներում: Ամենաակնհայտը հարձակման գծի բացթողումներն էին, քանի որ թիմի չօգտագործեց անհավանական քանակությամբ գոլային պահեր: Զգալ էր տալիս նաև պաշտպանության և առջևի գծի խաղը միացնող միջին օղակի ոչ այնքան տպավորիչ խաղը: Պաշտպանության խաղը նույնպես անհանգստացնող է: Կամպանյանի թիմը 3 գոլ բաց մի թիմից, որին ուժեղ մրցակից համարելը շատ բարդ է: «Ցելյեի» հետ խաղում այդպիսի սխալները կարող են ճակատագրական լինել:

Նախորդ խաղերը

«Արարատ-Արմենիան» եվրագավաթներում պայքարը սկսել էր Չեմպիոնների լիգայի որակավորման առաջին փուլից, որտեղ լրացուցիչ ժամանակում նվազագույն հաշվով պարտվել էր Կիպրոսի «Օմոնիային» և պայքարը շարունակում է Եվրոպայի լիգայում: «Ցելյեն» նույնպես մեկնարկել էր Չեմպիոնների լիգայի որակավորման առաջին փուլից, որտեղ 3:0 հաշվով տնային հաղթանակ է դարձել իռլանդական «Դունդալկի» նկատմամբ: Հաջորդ փուլում սլովենական ակումբը տանը 1:2 հաշվով պարտվել է նորվեգական «Մոլդեին», որը 2 գոլերն էլ խփել է երկրորդ խաղակեսում և տարել կամային հաղթանակ: «Ցելյեն» բավական անհաջող է մեկնարկել Սլովենիայի այս առաջնությունում, որի մեկնարկային 4 տուրերում վաստակել է ընդամենը 2 միավոր և զբաղեցնում է նախավերջին՝ 9-րդ տեղը:

Ոչ տիտղոսակիր մրցակիցը

100-ամյա պատմություն ունեցող «Ցելյեն» հարուստ չէ տիտղոսներով: Ցելյե քաղաքը ներկայացնող թիմն իր պատմության մեջ առաջին ու միակ չեմպիոնական տիտղոսը նվաճել է հենց նախորդ մրցաշրջանում: 36 տուրերի արդյունքում «Ցելյեն» 2-ական միավոր գերազանցեց 2-3-րդ տեղերը բաժանած «Մարիբորին» ու «Լյուբլյանային» և հասավ պատմական հաջողության: Թիմը 8 անգամ խաղացել է Սլովենիայի գավաթի խաղարկության եզրափակիչում, բայց միայն մեկ անգամ է դարձել երկրի գավաթակիր (2005 թվականին): 2002/2003 և 2014/2015 մրցաշրջաններում «Ցելյեն» դարձել է Սլովենիայի փոխչեմպիոն: 2017 թվականից թիմը գլխավորում է նախկին ֆուտբոլիստ, 47-ամյա սլովենացի մասնագետ Դուշան Կոստիչը:

Այս տարի «Ցելյեն» նորամուտը նշեց Չեմպիոնների լիգայի որակավորման փուլում: Եվրոպայի լիգայի որակավորման փուլերում սլովենական ակումբը խաղացել է 3 անգամ և 3 դեպքում էլ առաջին փուլից լքել է պայքարը:

Հայ-սլովենական երրորդ դիմակայությունը

Սա հայ-սլովենական երրորդ դիմակայությունն է ակումբային մակարդակում: Նախորդ 2 դեպքերում սլովենական ակումբները հաղթահարել են Հայաստանի ներկայացուցիչների արգելքը: Առաջին դիմակայությունը տեղի է ունեցել 2002թ. ՈւԵՖԱ-ի գավաթի խաղարկության որակավորման փուլում, որտեղ «Զվարթնոցը» 2 խաղերի արդյունքւոմ պարտվել է «Պրիմորյեին» (1:6, 2:0): 2017/2018թթ. մրցաշրջանում Գյումրիի «Շիրակը» Եվրոպայի լիգայի որակավորման առաջին փուլում մրցել է «Գորիցայի» հետ և 2 խաղերում պարտվել 2:4 հաշվով (0:2, 2:2):

Բուքմեյքերների ֆավորիտը

Բուքմեյքերական գրասենյակները գրեթե հավասար են գնահատում թիմերի շանսերը: Հայաստանի չեմպիոնի հաղթանակը ստացել է 2.65 գործակից, հյուրերինը՝ 2.58, իսկ ոչ ոքին՝ 3.30:

Եվրոպայի լիգա, որակավորման երկրորդ փուլ

«Արարատ-Արմենիա» (Հայաստան) - «Ցելյե» (Սլովենիա)՝ ժամը 18:00 (Ավանի ֆուտբոլի ակադեմիա)

Գլխավոր մրցավար՝ Ջոն Բիթոն (Շոտլանդիա)

Slaq.am - Լրատվական աղբյուր

Վերադառնալ
SLAQ.am || 2009-2020. All rights reserved.
Developed by Studio One