Հեռախոսային
տարբերակ
Ամբողջ
տարբերակը
Շաբաթ, 8 Օգոստոս arm rus eng
arm
(Translit)
USD =485.18 AMD
EUR =575.37 AMD
Եզակի բնույթ են կրել տարեցների կողմից սեղանի ժամանցային խաղերի ընթացքում սոցիալական հեռավորություն չպահպանելու դեպքերը
10.07.20 14:50
Եզակի բնույթ են կրել տարեցների կողմից սեղանի ժամանցային խաղերի ընթացքում սոցիալական հեռավորություն չպահպանելու դեպքերը

Այսօր՝ հուլիսի 10-ին, Երեւան քաղաքի Շենգավիթ վարչական շրջանում Բնապահպանության եւ ընդերքի տեսչական մարմինը ու ՀՀ ոստիկանությունը շարունակել են կրկնակի ստուգայցերի գործընթացը։

Տեսչական մարմնի մասնագետները ՀՀ պարետի կողմից սահմանած անվտանգության կանոնների պահպանման նկատմամբ վերահսկողական աշխատանքներն իրականացրել են վարչական շրջանի հանգստի գոտիներում, որտեղ վաղ առավոտյան այցելուներն ավելի հաճախ զբաղվել են մարմնամարզությամբ՝ պահպանելով սոցիալական հեռավորությունը։

Եզակի բնույթ են կրել տարեցների կողմից սեղանի ժամանցային խաղերի ընթացքում առնվազն 1.5 մ սոցիալական հեռավորություն չպահպանելու դեպքերը, որոնք տեղում շտկվել են։

Համաճարակի հետագա տարածման կանխարգելմանն ուղղված իրազեկման  եւ բացատրական աշխատանքներին զուգահեռ տեսուչները շարունակել են տրամադրել դիմակներ եւ կոչ արել տան պայմաններում պատրաստված կտորե դիմակները հենց տեղում փոխարինել իրենց կողմից տրամադրված գործարանային արտադրության եռաշերտ դիմակներով նաեւ հիշեցրել ոչ ավել քան 3 ժամը մեկ փոխելու կանոնի մասին։

Հիշեցնենք, որ վերջին օրերին կրկնայցերի ընթացքում խախտումներ չեն արձանագրվել։ Տեսչական մարմնի աշխատակիցների ցուցումով ոստիկանների կողմից արձանագրություններ չեն կազմվել, ինչը եւս մեկ անգամ հավաստում է խախտումների նվազման դրական դինամիկայի մասին։

Արտակարգ դրության պայմաններում իրականացվող ուժեղացված ստուգայցերը կրում են շարունակական բնույթ։

 
 
Slaq.am - Լրատվական աղբյուր

Վերադառնալ
SLAQ.am || 2009-2020. All rights reserved.
Developed by Studio One