Հեռախոսային
տարբերակ
Ամբողջ
տարբերակը
Կիրակի, 26 Հունվար arm rus eng
arm
(Translit)
USD =478.87 AMD
EUR =528.43 AMD
Սփայք Լին կգլխավորի Կաննի կինոփառատոնի ժյուրին
14.01.20 18:52
Սփայք Լին կգլխավորի Կաննի կինոփառատոնի ժյուրին

Օսկարակիր ռեժիսոր Սփայք Լին գլխավորելու Է Կաննի 73-րդ կինոփառատոնի ժյուրին, որը տեղի կունենա մայիսի 12-ից մինչեւ 23-ը: Այդ մասին հունվարի 14-ին հայտնել Է փառատոնի մամուլի ծառայությունը:

«Ամերիկացի ռեժիսոր Սփայք Լին հանդես կգա որպես Կաննի հաջորդ փառատոնի ժյուրիի նախագահ: Իր կյանքի 62 տարիների ընթացքում այս ռեժիսորը, որը նաեւ սցենարիստ Է, դերասան եւ պրոդյուսեր, ստեղծել Է բազմաթիվ կուլտային ֆիլմեր, ինչպես նաեւ արծարծել Է ժամանակակից կինոյի բազմաթիվ հարցեր ու վիճելի պահեր»,-ասված Է հաղորդագրության մեջ: Նշվում Է, որ ժյուրիի ամբողջ կազմը կհայտարարվի ապրիլի կեսերին:

Ռեժիսորը երեք անգամ դարձել Է Կաննի կինոփառատոնի «Ոսկե արմավենու ճյուղի դափնեկիր՝ 1986, 1991 եւ 2018 թվականներին: Իր կարիերայի ընթացքում Լին նկարահանել Է ավելի քան 70 ֆիլմ. նրա առավել հայտնի աշխատանքների թվում են՝ «Չեն բռնել՝ գող չԷ» (2006 թ), «25-րդ ժամը» (2002 թ.) եւ «Անտեսանելի երեխաները (2005 թ.) ժապավենները:

Կաննի կինոփառատոնը, որը համարվում Է ամենահեղինակավոր եւ ազդեցիկ միջազգային փառատոներից մեկը, ամեն տարի անցկացվում Է Ֆրանսիայի հարավի Կանն քաղաքում: Ժյուրիի կազմը ձեւավորվում Է փառատոնի ղեկավարության որոշմամբ: Տարբեր տարիների ժյուրին գլխավորել են ռեժիսորներ Բեռնարդո Բերտոլուչին (Իտալիա), Մարտին Սքորսեզեն (ԱՄՆ), Լյուկ Բեսոնը (Ֆրանսիա), հաղորդել Է ՏԱՍՍ-ը:

Slaq.am - Լրատվական աղբյուր

Վերադառնալ
SLAQ.am || 2009-2020. All rights reserved.
Developed by Studio One