Հեռախոսային
տարբերակ
Ամբողջ
տարբերակը
Շաբաթ, 16 Նոյեմբեր arm rus eng
arm
(Translit)
USD =477.51 AMD
EUR =525.36 AMD
Տղամարդն 8 օր ապրել է կոկորդում ատամի պրոթեզով
14.08.19 01:48
Տղամարդն 8 օր ապրել է կոկորդում ատամի պրոթեզով

72-ամյա տղամարդը 8 օր ապրել է կոկորդում ատամի պրոթեզով, որը պատահաբար կուլ էր տվել վիրահատության ժամանակ:

BMJ ամսագրում հրապարակված հաշվետվության համաձայն՝ վիրաբուժական միջամտության ժամանակ պացիենտին, ում անունը չի հրապարակվում, նարկոզը տրվել է հատուկ դիմակով: Վեց օր հետո տղամարդը բժիշկներին է դիմել կլլելիս ցավի եւ բերանի խոռոչից արյունահոսության գանգատներով: Առաջին զննմամբ բժիշկները ոչ մի բան չեն հայտնաբերել եւ նրան տուն են ուղարկել՝ նշանակելով հակաբիոտիկներ ու ստերոիդներ:

Երկու օր հետո պացիենտը կրկին դիմել է բժշկական օգնության՝ այս անգամ նոր ախտանշաններ՝ հեւոց եւ ձայնի խռպոտություն նշելով: Ավելի մանրակրկիտ զննմամբ նրա կոկորդում հայտնաբերվել է ատամի պրոթեզ (երեք արհեստական ատամներով մետաղյա շերտ):   

Պրոթեզը հեռացվել է վիրաբուժական ճանապարհով: Դրանից բացի, առաջացած բաց վերքի հետեւանքով ուժեղ արյունահոսության պատճառով տղամարդն արյան փոխներարկման կարիք ուներ:

Հոդվածի հեղինակները նշում են, որ այդպիսի 6 դեպքի մասին է հայտնի, երբ պացիենտները անզգայացման ժամանակ ատամի պրոթեզները «ներս են շնչել»:

Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One