Հեռախոսային
տարբերակ
Ամբողջ
տարբերակը
Շաբաթ, 14 Դեկտեմբեր arm rus eng
arm
(Translit)
USD =477.71 AMD
EUR =531.55 AMD
Աշոտ Ղուլյանն ընդունել է Զոհրաբ Մնացականյանին
05.07.19 22:46
Աշոտ Ղուլյանն ընդունել է Զոհրաբ Մնացականյանին

Արցախի Հանրապետության Ազգային ժողովի նախագահ Աշոտ Ղուլյանը այսօր՝ հուլիսի 5-ին ընդունել է Հայաստանի Հանրապետության արտաքին գործերի նախարար Զոհրաբ Մնացականյանին:

Արցախի Հանրապետության Ազգային ժողովի լրատվության եւ հանրության հետ կապերի բաժի փոխանցմամբ՝ Աշոտ Ղուլյանը բարձր է գնահատել ՀՀ արտաքին գերատեսչության ղեկավարի՝ Արցախ կատարած այցի շրջանակում խորհրդարանում տեղի ունեցող պարբերական հանդիպումները՝ ընդգծելով արտաքին քաղաքական հարցերում մշտական խորհրդատվությունների կարեւորությունը: Շնորհակալություն հայտնելով ընդունելության համար՝ Զոհրաբ Մնացականյանը կարեւորել է Արցախի իշխանական տարբեր թեւերի հետ պարբերական շփումները՝ այդ համատեքստում անդրադառնալով խորհրդարանական դիվանագիտության դերին:

Հանդիպման ընթացքում քննարկվել են Հայաստանի եւ Արցախի արտաքին քաղաքական առաջնահերթություններին, Ղարաբաղյան հիմնախնդրի կարգավորման գործընթացում վերջին շրջանում տեղի ունեցած զարգացումներին վերաբերող հարցերի լայն շրջանակ: Հանդիպմանը մասնակցել են ԱԺ արտաքին հարաբերությունների մշտական հանձնաժողովի նախագահ Արզիկ Մխիթարյանը, նույն հանձնաժողովի նախագահի տեղակալ Դավիթ Մելքումյանը եւ ԱՀ արտաքին գործերի նախարարի տեղակալ Արմինե Ալեքսանյանը:

Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One