Հեռախոսային
տարբերակ
Ամբողջ
տարբերակը
Կիրակի, 15 Դեկտեմբեր arm rus eng
arm
(Translit)
USD =477.51 AMD
EUR =533.90 AMD
Հենրիխ Մխիթարյանը հյուրընկալվել է 11-ամյա ֆուտբոլասեր Էդուարդին
15.06.19 17:47
Հենրիխ Մխիթարյանը հյուրընկալվել է 11-ամյա ֆուտբոլասեր Էդուարդին

Հայաստանի հավաքականի ավագ, Արսենալ ֆուտբոլային ակումբի կիսապաշտպան Հենրիխ Մխիթարյանը հյուրընկալվել է 11-ամյա ֆուտբոլասեր Էդուարդին: Վերջինս ուրախությամբ ու հուզմունքով ասում է՝ իր երազանքն էր հանդիպել ֆուտբոլիստին: 

Փոքրիկ ֆուտբոլասերը Հենրիխին պատմում է՝ հաճախ դասերից փախչում էր, գնում՝ ֆուտբոլ խաղալու: Մխիթարյանն էլ նշում է՝ երբ փոքր էր, ինքն էլ դասերն անելու փոխարեն ֆուտբոլ էր խաղում, բայց խորհուրդ է տալիս Էդուարդին՝ դասերին ևս ուշադիր լինել. «Ֆուտբոլ մինչև 37 տարեկանն են խաղում, հետո պետք է զբաղմունք ունենալ»:

Էդուարդը պատմեց՝ երազում է ֆուտբոլիստ դառնալ: Դեռ 1 տարի առաջ «Միկա» ֆուտբոլային ակումբում դարպասապահ է եղել, սակայն 1 տարի առաջ հայտնաբերված քաղցկեղի պատճառով առժամանակ դադար է տվել ֆուտբոլային կյանքին: Ասում է՝ չի վհատվում, շատ շուտով կապաքինվի, կմիանա թիմին ու դարձյալ կպաշտպանի թիմի դարպասը: 

Իսկ մինչ այդ տեղի ունեցավ Հենրիխ-Էդուարդ «ֆուտբոլային հանդիպումը»: Հանդիպման ավարտին Էդուարդը Հենրիխին խոստացավ՝ ֆուտբոլային հաջորդ խաղը լինելու է իրական դաշտում:

 


Մանրամասները՝ տեսանյութում:
 










Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One