Հեռախոսային
տարբերակ
Ամբողջ
տարբերակը
Չորեքշաբթի, 26 Հունիս arm rus eng
arm
(Translit)
USD =477.81 AMD
EUR =544.32 AMD
Ստաս Նամինը ֆիլմ է նակարահանել Հայաստանի տաճարների մասին
11.06.19 02:45
Ստաս Նամինը ֆիլմ է նակարահանել Հայաստանի տաճարների մասին

Կոմպոզիտոր, ռեժիսոր Ստաս Նամինը «Հայաստանի հնագույն տաճարները» վերնագրով ֆիլմ է նկարահանել։

vstrokax.net-ի հաղորդմամբ, նա  այսպես է ներկայացրել ֆիլմ նկարահանելու իր գաղափարը. «Մանկուց Հայաստանն ինձ համար կախարդական երկիր էր, որի մասին միշտ խոսում էր մայրս, իսկ հեռավոր լեռնային գյուղում, Սանահին գեղեցիկ ու ռոմանտիկ անվամբ, ծնվել են պապս ու իր եղբայրները: Հայաստանի հետ կապված է իմ բոլոր ազգականների կյանքը, և նաև պարզվեց, որ ես էլ հայ եմ, միտք, որը Մոսկվայում ծնված ու մեծացածիս գլխում չի էլ ծագել»:
 
Ստասը դեռ մանուկ ժամանակ բազմիցս եկել է իր պատմական հայրենիք, սակայն դրանք դրվագային այցեր էին: Միայն մի քանի տարի առաջ, իր ընկեր Ռուբեն Վարդանյանի հրավերով Նամինը եկել է Հայաստան երկար ժամանակով: Նա այցելել է բազում գեղատեսիլ վայրեր, տեսել հանրահայտ պատմական հուշարձանները, բազմաթիվ հինավուրց տաճարները և այդ ամենը նկարահանել: Արդյունքում ֆիլմ է ստեղծվել, որն, ըստ էության, ռոքերի յուրատեսակ վերադարձն է իր պատմական ու մշակութային արմատներին, փոխանցում է Panorama.am-ը: 

Հանրահայտ երաժիշտ Ստաս Նամինի իսկական անունը Անաստաս Միկոյան է, նա խորհրդային պետական ու կուսակցական գործիչ Անաստաս Միկոյանի թոռն է և ՄԻԳ ինքնաթիռի ստեղծող, խորհրդային լեգենդար կոնստրուկտոր Արտեմ Միկոյանի ազգականը:
Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One