Հեռախոսային
տարբերակ
Ամբողջ
տարբերակը
Շաբաթ, 20 Հուլիս arm rus eng
arm
(Translit)
USD =476.41 AMD
EUR =535.10 AMD
Էդգար Բաբայանը գոլի հեղինակ է դարձել դանիական «Հոբրոյի» կազմում
10.03.19 15:20
Էդգար Բաբայանը գոլի հեղինակ է դարձել դանիական «Հոբրոյի» կազմում

Դանիայի Սուպերլիգայի 25-րդ տուրում «Հոբրոն», որտեղ հանդես է գալիս 23-ամյա հայ կիսապաշտպան Էդգար Բաբայանը, սեփական հարկի տակ ընդունել է «Միդտյուլանդին» և 1:2 հաշվով պարտություն է կրել:

Տանտերերի կազմում միակ գնդակը հեղինակել է հենց Բաբայանը` խաղի 51-րդ րոպեին հավասարեցնելով հաշիվը: Էդգար Բաբայանը խաղացել է առանց փոխարինման:

Հատկանշական է, որ Բաբայանը խփել է իր երկրորդ գոլը Դանիայի ընթացիկ առաջնությունում անցկացրած 14 խաղում: Առաջին գոլը հայ ֆուտբոլիստը հեղինակել էր դեռ անցած տարվա օգոստոսին:

25 տուրից հետո «Հոբրոն» Սուպերլիգայի մրցաշարային աղյուսակի նախավերջին` 13-րդ հորիզոնականն է զբաղեցնում` իր ակտիվում ունենալով 21 միավոր:

Հիշեցնենք` Էդգար Բաբայանը հրավիրվել է Հայաստանի Ազգային հավաքական` նախապատրաստվելու Եվրո-2020-ի ընտրական փուլի` Բոսնիա և Հերցեգովինայի և Ֆինլանդիայի հավաքականների հետ խաղերին, որոնք կկայանան մարտի 23-ին և 26-ին համապատասխանաբար:

Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One