Հեռախոսային
տարբերակ
Ամբողջ
տարբերակը
Երեքշաբթի, 13 Նոյեմբեր arm rus eng
arm
(Translit)
USD =487.95 AMD
EUR =553.19 AMD
Հայ դատի հանձնախումբը կոչ է արել ուսումնասիրել Ամերիկայի Միացյալ Նահանգներում և Հայաստանում եկամտահարկի համաձայնագիրը
18.07.18 10:04
Հայ դատի հանձնախումբը կոչ է արել ուսումնասիրել Ամերիկայի Միացյալ Նահանգներում և Հայաստանում եկամտահարկի համաձայնագիրը

Ամերիկայի Հայ դատի հանձնախումբը ԱՄՆ-ի Սոցիալական ապահովության վարչությանը կոչ է արել ուսումնասիրել Հայաստանի հետ Սոցիալական ապահովության միավորման համաձայնագիրը՝ բացառելու համար կենսաթոշակային նպաստների կրկնակի հարկման հավանականությունը, ինչպես նաև պարզեցնելու և՛ Միացյալ Նահանագներում, և՛ Հայաստանում աշխատող աշխատակիցների պարտականություններն ու իրավունքները:

Սոցիալական ապահովության վարչության գործող հանձնակատար Նենսի Բերիհիլին հուլիսի 16-ին հասցեագրած նամակում Ամերիկայի «Հայ դատի» հանձնախմբի նախագահ Րաֆֆի Համբարյանը նշել է. «Աշխատակիցներին նյութական օգուտ և գործատուների համար հստակություն ապահովելուց բացի նման համաձայնագիրը կամրապնդի Ամերիկայի և Հայաստանի միջև կապերը՝ խթանելով առավել սերտ առևտրային հարաբերությունների համար նպաստավոր պայմանները և առավել արդյունավետ համագործակցությունը միջազգային մարտահրավերների լայն շրջանակում»:

ԱՄՆ-ն ներկայում Սոցիալական ապահովության միավորման համաձայնագիր ունի կնքած ավելի քան 2 տասնյակ երկրի հետ: Միավորման համաձայնագիրը երկու երկրի միջև կնքված կոնվենցիա է, որի նպատակն է կանխել նույն եկամտի համար սոցիալական ապահովության վճարների կրկնակի հարկումը:

Slaq.am - Լրատվական աղբյուր

Վերադառնալ
SLAQ.am || 2009-2018. All rights reserved.
Developed by Studio One