Հեռախոսային
տարբերակ
Ամբողջ
տարբերակը
Չորեքշաբթի, 22 Մայիս arm rus eng
arm
(Translit)
USD =480.03 AMD
EUR =535.62 AMD
Կիևի հայ համայնքի ղեկավարը՝ հայաստանյան իրադարձությունների մասին
26.06.15 12:05
Կիևի հայ համայնքի ղեկավարը՝ հայաստանյան իրադարձությունների մասին

«Կիևի հայ համայնք» հասարակական կազմակերպության ղեկավար Նորիկ Գևորգյանը կարծում է, որ Հայաստանում ընթացող զարգացումները կրում են ոչ թե քաղաքական, այլ կենցաղային բնույթ: Այս մասին նա հայտնել է «Обозреватель» պարբերականին:

«Դա գաղափարական բողոք չէ: Ինչպես հայտնի է, այն կապ ունի սակագների հետ: Մարդկաննց պահանջն արդարացի է.  եթե բարձրացնում են սակագները, թող բարձրացնեն աշխատավարձերը, կենսաթոշակները: Ես կարծում եմ, որ դա սոցիալական հարց է, ոչ քաղաքացիական»,-ասել է Նորիկ Գևորգյանը:

Նրա  խոսքերով՝ ամբողջ քաղաքացիական հասարակությունը դատապարտում է այն, թե ինչպես  Երևանում  ուժային ձևով ցրեցին  խաղաղ ցույցը:

«Մենք բոլորս դատապարտում ենք այն, ինչ կատարվեց առաջին գիշերը, ինչպես ցրեցին խաղաղ ցուցահարներին: Այն բանից հետո, երբ ցրեցին խաղաղ ցուցահարներին, բողոքը կարող էր վերածվել քաղաքական ակցիայի: Ինչ-որ մեկը կարող էր օգտվել այդ վիճակից: Չէինք ցանկանա, որ այդպիսի  բան լինի»,-ասել է Կիևի հայ համայնքի ղեկավարը:

«Ես հույս ունեմ, որ Հայաստանի կառավարությունը իմաստուն կլինի: Հայաստանի նախագահի ձեռքերում են բոլոր իշխանական լծակները, որպեսզի պատժի մեղավորներին: Իշխանությունը պետք է լսի ժողովրդին և առաջին հերթին  պաշտպանի իր շահերը: Ես հույս ունեմ, որ այդպես էլ կլինի»,-հավելել է նա:

Դրա հետ մեկտեղ Նորիկ Գևորգյանը նշել է, որ չի ցանկանում անել քաղաքական  հայտարարություներ:

«Դա աշխարհաքաղաքականություն է, որի մեջ մենք իրոք չենք մասնակցում: Չէի ցանականա, որ Հայաստանը վերածվեր  մի տարածքի, որտեղ պիտի լուծվեն աշխարհաքաղաքական հարցեր»:

Slaq.am - Լրատվական աղբյուր

Վերադառնալ
SLAQ.am || 2009-2019. All rights reserved.
Developed by Studio One